Thursday, April 11, 2013

Ajeeb shaks tha jaane kya chahta tha,
Khud se juda kar ke maar dalna chahta tha..
Saahil ki rait par likhta tha woh naam mera,
Phir usay lehron se bachana bhi chahta tha..
Woh dard deta tha mujhe jee bharke,
Or mujhe hansta hua dekhna bhi chahta tha..
Apni saari wafain woh kisi or ke naam kar ke,
Mujh se hamesha wafa ki umeed bhi chahta tha..
Parindon ke paron ko kaat kar woh,
Phir unko urta hoa dekhna bhi chahta tha..
Meri kabar per aa kar raqeeb ke sang woh,
Mujhe sukoon se leta hoa dekhna bhi chahta tha..
Mujhe woh apna,rakhna chahta tha hamesha,
Or khud kisi or ka ho jana bhi chahta tha..
Ajeeb shaks tha jane kya chahta tha,
Khud se juda kar ke maar dalna chahta tha..

1 comment:

  1. Truth of someone love story that can never be change .feeling sad 😢

    ReplyDelete